Mina bolja od Simone – Jedinstvo osvojilo Superkup Srbije

Crnogorska reprezentativka Mina Dragović na sjajan način otvorila je klupsku sezonu. Naša srednja blokerka osvojila je Superkup Srbije sa Jedinstvom iz Stare Pazove.

Odbojkašice Jedinstva pobijedile su ekipu Simone Petranović, sastav Uba, rezultatom 3:1 (22:25, 25:21, 25:19, 25:23) i slavile veliku pobjedu u finalu Superkupa, čiji su bile domaćini. Srednja blokerka našeg nacionalnog tima doprinijela je pobjedi sa 11 osvojenih poena, od čega pet iz napada, četiri bloka i dva asa. Na drugoj strani, za ekipu Uba Simona Petranović nije igrala.

Mina Dragović je sa ekipom Jedinstva prošle sezone osvojila Superligu Srbije.